بە ڕاپۆرتی ئاژانسی هەواڵی مێهر، ئەمیر سەعید ئیرەوانی، باڵوێز و نوێنەری هەمیشەیی کۆماری ئیسلامیی ئێران لە ڕێکخراوی نەتەوە یەکگرتووەکان، لە نامەیەکدا کە ئاراستەی سکرتێری گشتیی ڕێکخراوی نەتەوەکان و سەرۆکی ئەنجومەنی ئاسایشی کردووە، لێدوانەکانی ئەم دواییەی سەرۆک کۆماری ئەمریکا سەبارەت بە ئەگەری کەڵک وەرگرتن لە بنکەی دیێگۆ گارسیا بۆ هێرشی سەربازی دژ بە ئێران بە پێشێلکارییەکی گەورەی میساقی نەتەوە یەکگرتووەکان زانی و داوای کرد کە دەستبەجێی ڕێوشوێنی ئاسایشی نەتەوە یەکگرتووەکان بگیرێتەبەر ئەنجومەن.
ناوبراو لەم نامەیەدا جەختی لەوە کردووەتەوە: بە پێی فەرمانی حکوومەتەکەم و بەدواداچوون بۆ نامەکانی پێشوو سەبارەت بە بەردەوامی هەڕەشەکانی ئەمریکا بۆ بەکارهێنانی هێز لە دژی کۆماری ئیسلامیی ئێران، ئەم نامەنووسییە ئێستا بە ئامانجی ڕاکێشانی سەرنجی نوێبووەوە .
وتیشێ: هۆشداریی دەدەینە ئەندامانی ئەنجوومەنی ئاسایش بۆ بەردەوامی هەڕەشەکانی کاربەدەستانی ئەمریکا بۆ بەکارهێنانی هێز، لەوانەش لێدوانی گشتی ئەم دواییەی سەرۆکی ئەمریکا سەبارەت بە بەکارهێنانی بنکەی دیێگۆ گارسیا بۆ ئەنجامدانی هێرشی سەربازی ئەگەری دژی کۆماری ئیسلامی ئێران.
ئیرەوانی ڕایگەیاندووە وڵامی ئێران بە هەر هێرشێکی ئەمریکا کاولکەر دەبێت.
لە وەها بارودۆخێکدا و لە چوارچێوەی وەڵامدانەوەی بەرگریی کۆماری ئیسلامیی ئێران، هەموو بنکە و ئیمکانات و سەروەت و سامانی هێزی دوژمنکار لە ناوچەکەدا بە ئامانجی ڕەوا دادەنرێت؛ ئاشکرایە کە ویلایەتە یەکگرتووەکانی ئەمریکا بەرپرسیارێتی تەواو و ڕاستەوخۆ لە ئەستۆ دەگرێت لە بەرامبەر هەر دەرئەنجامێکی پێشبینینەکراو و کۆنترۆڵنەکراو”.
Your Comment